ПРОЕКТИ

 

ИМЕ НА ПРОЕКТ: Преку танц до лидерство, резилиентност, управување со стрес и арт терапија

Време за спроведување: 01.10.2024 – 31.07.2024

Бр. на проект: 2024-1-MK01-KA153-YOU-000216990

Координатор на проектот: MATA Скопје

Партнери: Universe 8 Foundation – Бугарија, Türk Psikoloji Öğrencileri Çalışma Grubu (TPÖÇG) – Турција, Mission: Reconnect, z.s – Чешка, Edukacija za budućnost Praskozorje - Србија

За проектот:

Проектот „ Преку танц до лидерство, резилиентност, управување со стрес и арт терапија“ има за цел да ги постигне следните цели со намера подобрување на благосостојбата на младите и на оние кои работат со нив:

• да им обезбеди алатки и методи на младинските работници кои ќе можат да ги користат за справување со стресот и анксиозноста и за превенција од прегорување;
• да ја зголеми способноста на младинските работници да вклучат активности засновани на движење и уметност, особено танц, како алатка за подобрување на физичкото и менталното здравје, зголемување на нивната отпорност, и истовремено развивање на лидерски, тимски и комуникациски компетенции;
• да ги зголеми компетенциите на младинските работници со нови работни практики, методи и алатки фокусирани на подобрување на менталното здравје и благосостојбата на младите, намалување на нивниот стрес и анксиозност, и поддршка на развојот на компетенциите на младинските работници;
• да поддржи споделување на практики меѓу земјите учеснички кои се справуваат со прашањата на отпорност, управување со стрес, лидерски вештини и благосостојба во врска со користење на методи засновани на уметност и движење;
• да создаде простор за изнаоѓање нови идеи за локални и меѓународни младински проекти и да го зголеми квалитетот на младинската работа преку конзорциумот;
• да ги сподели научените лекции надвор од конзорциумот преку онлајн (интервјуа) и директни активности во заедниците на учесниците.

Проектот „ Преку танц до лидерство, резилиентност, управување со стрес и арт терапија“ ќе вклучи една 5 дневна меѓународна обука за професионален развој која ќе обедини 20 учесници претставници на Северна Македонија, Бугарија, Србија, Чешка и Турција.

Конзорциумот планира да вклучи учесници со следните профили:

• младински работници, едукатори и лидери кои имаат потреба од развивање на своите компетенции за да можат да дизајнираат и испорачуваат квалитетни младински активности на локално, национално и меѓународно ниво, кои се справуваат со анксиозност и стрес и придонесуваат за подобрување на менталното здравје и благосостојбата;
• младински работници, едукатори и лидери кои имаат потреба да се запознаат со алатки и методи првенствено засновани на движење на телото (танц), користејќи арт-терапија која се смета за иновативна во контекстот на нивната работа и да ги зголемат нивните способности да ги користат овие методи во нивната работа со млади луѓе, вклучувајќи ги и оние со помалку можности;
• оние кои имаат потреба од нови импулси кои ќе им овозможат да растат како младински работници, едукатори и лидери, да ги разберат подобро своите силни страни и оние кои треба да ги подобрат, да дискутираат за заеднички предизвици и да воспостават систем за поддршка, вклучувајќи и други младински работници, партнерства и мрежи;
• со мотивација да работат на разоткривање на стереотипите поврзани со менталното здравје и благосостојбата на младинските работници и младите луѓе, да вклучат нови алатки и методи во својата работа и да го зголемат квалитетот на активностите што ги спроведуваат;
• со различен спектар на искуства (од почетници до искусни младински работници, кои работат со млади повеќе од пет години);
• со интерес за работа во интеркултурни мешани групи, способност за комуникација на англиски јазик, способност за учество во подготвителните активности и меѓународните активности и активно учество во периодот на следење и учество во организирање на локални активности;
• на возраст од 22 години или постари.

Влијание и резултати: Влијанието и резултатите на проектот „ Преку танц до лидерство, резилиентност, управување со стрес и арт терапија “ се фокусирани на неколку нивоа. Прво, проектот има за цел да ги опреми партнер организации со нови алатки и методи кои ќе ја зголемат благосостојбата на нивните младински работници и членови на персоналот, и ќе ги зголеми нивните капацитети за справување со анксиозност и стрес кај младите, истовремено обезбедувајќи им можност за подобрување на нивната благосостојба. Дополнително, проектот ќе биде можност за членовите на конзорциумот да истражуваат иновативни алатки засновани на користење на танц и движење на телото и да ги зголемат нивните капацитети за користење на овие алатки во нивната работа со различни групи на млади, вклучувајќи ги и младите со помалку можности, како алатки за зголемување на нивната самодоверба и самопочит. Понатаму, преку користење на танцот како методологија за развој на лидерство, учесниците ќе се вклучат во динамичен процес кој поттикнува тимска работа, комуникација и адаптабилност. Преку ритмичко изразување и заедничка кореографија, индивидуите ќе научат да водат со пример, да инспирираат други и да се справуваат со предизвици со жилавост и отпорност, на тој начин создавајќи нова генерација на самоуверени лидери. Покрај влијанието врз организациите директно вклучени во конзорциумот, проектот исто така ќе има позитивно влијание врз индивидуите и организациите надвор од конзорциумот кои активно ќе учествуваат во дисеминациските активности и/или ќе бидат дел од активностите за видливост на проектот.

НАСЛОВ НА ПРОЕКТОТ: СТОП ЗА БРЗАТА МОДА Време на имплементација: 1.08.2024 – 31.07.2025 Проект бр.: 2023-2-PL01-KA210-VET-000174365 Координатор на проектот: FERI (Фондација за образование, развој и иновации) Партнер на проектот: Здружение на граѓани за унапредување на занаетчиството и ракотворењето „МАТА“ Скопје Сектор: ВЕТ (стручно образование и обука) ГЛАВНА ЦЕЛ НА ПРОЕКТОТ: Подготовка на младите, студентите и наставниците за активно учество во модната индустрија на поодржлив и свесен начин и подигнување на нивната свест за влијанието на брзата мода врз природната околина и локалната заедница. КЛУЧНИ РЕЗУЛТАТИ: • 2 онлајн курсеви за одржлива мода за наставници во стручното образование • 3 сценарија за наставници за работилници со млади, заедно со едукативни и мултимедијални материјали за одржлива мода, вклучително и 1 мултимедијална игра • 10 тематски статии/интервјуа • 8 вебинари за промоција на производите на проектот за различни целни групи • 1 филм за промоција на одржлива мода и иновации во секторот • 1-ва меѓународна конференција со модна ревија фокусирана на одржлива мода • зголемување на свеста на учесниците и партнерите на проектот за влијанието на „Брзата мода“ врз природната околина и општеството, како и изнаоѓање решенија како да се минимизира негативното влијание на „Брзата мода“ • промоција на одржлива мода во локалната заедница ОЧЕКУВАНИ ПРИДОБИВКИ: • Одржлив развој на индустријата: проектот ќе развие решенија кои ги обезбедуваат потребните вештини за имплементација на промени во модната индустрија, стремејќи се кон поодржлив пристап. • Одговор на еколошките предизвици: Преку промоција на одржлива мода, проектот ќе одговори на глобалните еколошки предизвици. • Поддршка за локалните дизајнери и производители: Зголемувањето на јавната свест за одржлива мода може да доведе до поголема поддршка за локалните дизајнери и производители. Проектот се вклопува во приоритетите на стручното образование и обука нудејќи практичнии решенија на проблемите насочени кон иднината, а се поврзани со „Брзата мода“. Ќе ги подготви наставниците да ги едуцираат младите. Учениците ќе бидат подобро подготвени да влезат во модната индустрија и ќе имаат алатки за имплементација на одржлива мода. Проектот исто така има пошироко влијание со тоа што влијае на општеството на начин што ја подига свеста за ефектите од „Брзата мода“ врз животната средина и луѓето. ГЛАВНИ ЦЕЛНИ ГРУПИ НА ПРОЕКТОТ ЌЕ БИДАТ: Наставници во стручното образование, советници за кариера, тренери, обучувачи и наставници кои работат со млади во уметничките полиња, особено оние поврзани со применетиот дизајн млади – ученици од стручните училишта, идни или сегашни вработени заинтересирани за обликување на својата кариера во областа на модата универзитети и стручни училишта кои обезбедуваат стручно образование и обука во модниот сектор, заинтересирани за изградба на наставни програми и програми за практикантска работа засновани на реалните потреби на денешниот пазар на труд локална заедница – вклучува луѓе од различни возрасти, со различни професии, интереси и потреби. Ве покануваме да ја следите нашата работа и нејзините ефекти! Финансирано од ЕУ. Ставовите и мислењата изразени се само на авторот(ите) и не ги одразуваат нужно ставовите и мислењата на Европската Унија или Европската извршна агенција за образование и култура (EACEA). Ниту Европската Унија ниту EACEA се одговорни за нив. Сите резултати развиени во рамките на проектот „СТОП ЗА БРЗАТА МОДА“ се достапни под отворени лиценци (CC BY-SA 4.0 DEED). Може да се користат бесплатно и без ограничувања. Забрането е копирање или обработка на овие материјали во целост или делумно без согласност на авторот. Во случај на користење на резултатите, потребно е да се наведе изворот на финансирање и неговите автори.